BBC News, සිංහල - මුල් පිටුව
ප්‍රධාන පුවත
ජනක රත්නායක සහ ගයත්‍රි බිම්බා: අපහාස කිරීම වළක්වාලමින් කොළඹ දිසා අධිකරණයෙන් වාරණ නියෝගයක්
මහජන උපයෝගීතා කොමිසමේ හිටපු සභාපති ජනක රත්නායකගේ කීර්තියට අපහාස වන ආකාරයට ඔහුගේ පුද්ගලිකත්වය හා සම්බන්ධ වීඩියෝ දර්ශන හා ඡායාරූප ඇතුළු තොරතුරු සමාජ මාධ්‍ය හෝ වෙනත් මාධ්‍යවල පළ කිරීම වළක්වාලමින් කොළඹ දිසා අධිකරණය විසින් අද (අප්‍රේල් 18) ඔහුගේ හිටපු පෞද්ගලික සහායිකාව වශයෙන් කටයුතු කළ ගයත්‍රි බිම්බා වෙත වාරණ නියෝගයක් නිකුත් කළේය.
මෛත්‍රිපාල සිරිසේන: පක්ෂ සභාපති ධුරයේ කටයුතු කිරීම වළක්වමින් අධිකරණය දුන් වාරණ නියෝගය දීර්ඝ කෙරේ
ශ්‍රී ලංකා නිදහස් පක්ෂයේ සභාපතිවරයා වශයෙන් හිටපු ජනාධිපති මෛත්‍රීපාල සිරිසේන කටයුතු කිරීම වළක්වාලමින් නිකුත් කර තිබෙන වාරණ නියෝගය මැයි මස 09 වනදා දක්වා දීර්ඝ කරන ලෙස කොළඹ දිසා අධිකරණය අද ( අප්‍රේල් 18) නියෝග කරන ලදී.
ලෝක වාර්තාවකට හිමිකම් කියු ශ්‍රී ලංකා කාන්තා ක්‍රිකට් පිලේ සුපිරි හඹා යෑම සහ චමරීගේ අද්විතීය පිතිකරණය
කාන්තා එක්දින ක්‍රිකට් තරග ඉතිහාසයේ ඉහළම සාර්ථක ලකුණු හඹා යාමේ ලෝක වාර්තාව බිහි කිරීමට ශ්‍රී ලංකා කාන්තා ක්‍රිකට් කණ්ඩායම ඊයේ (අප්‍රේල් මස 17 වෙනිදා) සමත් විය. ශ්‍රී ලංකා කාන්තා ක්‍රිකට් කණ්ඩායම මෙම දක්ෂතාවය දැක්වුයේ දකුණු අප්‍රිකානු කාන්තා ක්‍රිකට් කණ්ඩායමට එරෙහිව පැවති එක්දින තරගයේදීයි.
ඊශ්‍රායලයට ඉරානයෙන් එල්ල වූ ප්‍රහාරයේ ජය පැරදුම කාටද?
"ඉරානයට පක්ෂව දිනුම් ඇදීමක්". ඊශ්‍රායලයට එල්ල වූ පළමු ඉරාන ප්‍රහාරය ඇතැම් විශ්ලේෂකයින් පැහැදිලි කර ඇත්තේ, එසේ ය. ඊශ්‍රායල් යුද්ධ හමුදාව පවසන පරිදි, පසුගිය සෙනසුරාදා රාත්‍රියේ ඉරානය ඩ්‍රෝන ප්‍රහාර සහ මිසයිල 300කට අධික සංඛ්‍යාවක් ඊශ්‍රායලය වෙත එල්ල කර තිබිණි. ඉරාන හමුදාව නිවේදනය කළේ, ඔවුන්ගේ ප්‍රහාරය "ඩැමස්කස්හි ඉරාන කොන්සල් කාර්යාලයට එල්ල වූ ප්‍රහාරයට ප්‍රතිචාරයක් වන අතර, ප්‍රහාරයේ සියලු අරමුණු සාක්ෂාත් කර ගත්," බව ය.
මියන්මාර අවුරුදු දා සමාව ලැබෙන එරට සිරගතව සිටින ලාංකිකයින් පිරිස කවුද ?
බීබීසී සිංහල සේවයට අදහස් දක්වමින් මියන්මාරයේ ශ්‍රී ලංකා තානාපති ජානක බණ්ඩාර පැවසුවේ ලබා දී ඇති පොදු සමාව යටතේ ශ්‍රී ලාංකිකයින් 15 දෙනෙකුට ද නිදහස හිමිව ඇති බවයි. එලෙස පොදු සමාව යටතේ නිදහස ලබා ඇති සියලුම ශ්‍රී ලාංකිකයින් ධීවරයින් බව තානාපතිවරයා පැවසීය.
ශ්‍රී ලංකාව
ලෝකය
ක්‍රීඩා
වීඩියෝ
විශේෂාංග
අවුරුදු ගීතයක් විකෘති කිරීම: 'මෙවැනි දේවල් නැවත සිදු නොවෙන්න පියවර ගත යුතුයි' - රෝහණ බැද්දගේ
රවීණ ගායන ශිල්පී රෝහණ බැද්දගේ ගායනා කළ ‘සූරිය මංගල්ලේ’ ගීතය විකෘති කර සමාජ මාධ්‍ය හරහා ප්‍රචාරය කළ බවට සැකපිට අත්අඩංගුවට ගත් සුරාබදු නිලධාරියාගේ රාජකාරි තාවකාලිකව තහනම් කිරීමට පියවර ගත් බව සුරාබදු දෙපාර්තමේන්තුවේ මාධ්‍ය ප්‍රකාශක සුරාබදු කොමසාරිස් (නීති ක්‍රියාත්මක කිරීම්) නීතිඥ චන්න වීරක්කොඩි පැවසීය. ඔහු සඳහන් කළේ, අදාළ සිදුවීම සම්බන්ධයෙන් අභ්‍යන්තර පරීක්ෂණයක් ද ආරම්භ කර ඇති බව ය.
දෙමාපියන්ට, ගුරුවරුන්ට දරුවන්ගේ ඡායාරූප සමාජ මාධ්‍යවල පළ කළ හැකි ද?
'ළමයා යන්නෙන් වයස අවුරුදු 18ට අඩු තැනැත්තෙකු අදහස් වන' බව 2024 අංක 9 දරන මාර්ගගත ක්‍රමවල සුරක්ෂිතභාවය පිළිබඳ පනතෙහි නිර්වචනය කර තිබේ. ළමුන්ගේ ඡායාරූප ෆේස්බුක් ඇතුළු සමාජ මාධ්‍යවල පළ කිරීම හරහා විවිධ ළමා අපයෝජන සිදු විය හැකි බව විශේෂඥ මතයයි.
සිංහල දෙමළ අලුත් අවුරුදු චාරිත්‍ර වාරිත්‍ර හා මුසු වී ඇති බාහිර සංස්කෘතික අංග ගැන විමසා බැලීමක්
ශ්‍රී ලංකාවේ ප්‍රධාන වශයෙන් සිංහල සහ දෙමළ ජනතාව එක්ව සමරන අලුත් අවුරුද්ද යනු සංස්කෘතියකි.මෙම ලිපිය මගින් උත්සහ කරනුයේ, අලුත් අවුරුද්ද සමග මිශ්‍ර වී ඇති බාහිර සංස්කෘතික අංගයන් පිළිබඳව පැහැදිලි කිරීමට ය.
මැදවච්චියේ තරුණයෙකුට වෘෂණ කෝෂයකට සිදුවූ හානිය හේතුවෙන් එය ශල්‍යකර්මයකින් ඉවත් කිරීමට සිදු ව ඇත්තේ පොලිස් පහරදීමෙන් ද?
අනුරාධපුරය, මැදවච්චිය ප්‍රදේශයේ දී පොලිස් අණ නොතකා වාහනයක් ධාවනය කළ බව කියන සිදුවීමකට පොලිසිය විසින් සිදුකළ බව කියන පහර දීමකින් තුවාල ලැබූ තරුණයෙකු මේ වන විට රෝහල් ගත කර සිටියි. ඉකුත් අප්‍රේල් මස 07 වෙනිදා රාත්‍රියේදී සිදු වූ බව කියන එම සිදුවීමට මුහුණ පා ඇත්තේ මැදවච්චිය, තුලාවේලිය ගම්මානයේ පදිංචිකරුවෙකු වන 23 හැවිරිදි තරුණයෙකු යි. දැනට අනුරාධපුරය ශික්ෂණ රෝහලට ඇතුළත් කර ඇති එම තරුණයා පවසන්නේ පොලිසියෙන් සිදුකළ පහරදීමෙන් සිය වෘෂණ කෝෂයකට සිදුවූ හානිය හේතුවෙන් එය ශල්‍යකර්මයකින් ඉවත් කිරීමට වෛද්‍යවරුන් කටයුතු කළ බවයි.
කෘමියෙකු නිසා ශ්‍රී ලංකාවට අහිමි වූ 'අපේ එරබදු'
''අපි සාමාන්‍ය එරබදු කියලා හඳුන්වන Erythrina variegata දැන් ගොඩක් දකින්න අඩුයි. ඒ නිසා අපි 2020 රතු දත්ත පොත සකස් කිරීමේ දී Venerable species කියන (වඳවීමේ ක්‍රියාවලියට පත්වීමට ආසන්න) කාණ්ඩයට තමයි දාලා තියෙන්නේ. අපි පොඩි කාලේ මේවා වැටවල් වලට වවලා තිබුණේ. ඒ නැතත් වතුර කිට්ටුව, වෙල් අයිනේ තිබුණා ගම්වල. එකක් සජීවී වැටවල් හදන සංකල්පය දැන් අඩුවෙලා. මේවා දුර්ලභ වෙන්න වැඩිපුරම හේතුව විදියට මම හිතන්නේ Erythrina Gall Wasp කියන කෘමියගෙන් වෙන හානිය වෙන්නැති කියලා.'' යනුවෙන් උද්භිද විද්‍යාඥ, මහාචාර්ය සිරිල් විජේසුන්දර BBC සිංහල සේවයට ප්‍රකාශ කළේය.